ولاد الوسخه

 ✍️مقتطف من كتاب {ولاد الوَسِخِة}

مع التحفظ الشخصي ع اللفظة!!!

بالرغم من أن كلمة (وَسِخ) مدرجة فى معاجم اللغة العربية بمعني قذر أو غير نظيف.

والشخصية الوَسِخِة مش بيبقى عارف إنه وَسِخ لأن الوساخة ترسخت فيه لدرجة إن عنده يقين وعقيدة إن هي دى طبيعة البشر العادية 🤦🏻‍♀️

فهو وَسِخ من غير ما يفكر ..
وَسِخ بالفطرة ، وَسِخ بالسليقة

و ده يجرنا لحاجتين:-

الأولي :- إنه مينفعش معاه عتاب ، لأنه أصلا مش عارف أنت بتعاتبه على ايه ؟!!
يابني أنت أذيتنى

_اللي هو ازاي يعني ؟!

بقول لك أنت مخادع

_لأ طبعا هو شايف إنه في العادي جدا .. أنت بس اللي بتبالغ وبتحب الدراما  وقلب الترابيزات !!

التانيه :-إنه مش بيحس بالذنب أصلًا ،ودى من صفات الفاجر الكافر 👌 علشان كدة ماتتوقعش منه توبة أبدا ؛ لأن من وجهة نظره إنه مش بيعمل حاجة غلط!!

الشخص الوَسِخ متصالح جدًا مع نفسه ، هاديء جدًا ، عنده القدرة إنه يعتصر قلبك بقبضة باردة دون أن يطرف له رمش .. واثق اوى من هيبته ووساخته!!

عنده القدرة إنه يطعنك في ضهرك وياكل لحمك و يضحك في وشك و هو بيسألك : مالك فيك إيه  ؟! .....

على فكرة الشخص الوسخ  يحب يتشتم يعني يحب تبهدله و تسبه و تلعنه و انت بتواجهه بوساخته ؛ لأنه فضلا عن انه مش بيحس بالذنب فهو كمان فى اللحظة دي بيحس إنك ظالمه  !!

الشخصية الوسخة بيبقى حريص اوي انه يحافظ على الأشخاص السذج حواليه علشان متعته إنه يمارس وساخته على ناس مش فاهمة أصلا إنه وسخ و دا بيرسخ عنده إحساسه الطبيعى إنه مش وسخ فعلا !!

و الدليل الناس الجميلة (الساذجة) اللي لسة ملمومة حواليه

لكن أوسخ انواع الشخصيات الوسخة هو الشخصية الوسخة الغلبانة !! ودا ماتكتشفش انه شخصية وسخة إلا بعد ما تعاشره وقت طويل ، ووساخته الوسخة اوي تكمن في النقطة دى 🤫

 انك ممكن تضيع عمرك معاه و تكتشف في الاخر ان عمرك راح هدر مع شخصية وسخة..

فأنا لا أقصد انك تعرف ان صاحب الشخصية الوسخة هو بس الشخص اللى بيكذب عليك او بيخونك او بيغدر بيك ويخوض فى عرضك ويقول عنك ما ليس فيك وبتبقى عارفه .. لأ

إنما الهدف انك تعرف إن الشخصية الوسخة اللي في حياتك - ممكن جدا - ما تكونش اكتشفتها لحد دلوقتي !

وغالبا الشخصية دي بنقابلها كتير والأغلبيه ذكور من جنسنا وليسوا رجال ولا حتى أشباه رجال لان لفظ رجل ده مش اي حد يستحقه👌🏻

وأخيرا ستجد أن معظم الصدمات اللي أخدتها في حياتك سببها مش أشخاص بعينهم ولكن سببها الأساسى التصور المثالى والاعتقاد إن الناس شبهك هتعاملك بالمثل هتحطك في نفس المكانة اللي حطيتهم فيها متربيين زيك أسوياء ومن بيئة محترمة زيك بيتعاملوا بحسن ونية ونية صافية بيضا جميلة 🙆🏻‍♀️🙆🏻‍♀️🙆🏻‍♀️

فدايما فوّق نفسك وقول لها:-  
لا ألوم أحدهم حين أخذلني.. أنا المُلام على حسن الرجا فيه "🙂

#ازيك
#دكتورة_نهى_نشأت
#سفيرة_صحة_نفسية