كيف تصنع شعبا من الاغبياء ؟

كيف تصنع شعبا من الاغبياء ؟؟؟ مجموعة من العلماء و ضعوا 5 قرود في قفص واحد و في وسط القفص يوجد سلم و في أعلى السلم هناك بعض الموز في كل مرة يطلع أحد القرود لأخذ الموز يرش العلماء باقي القرود بالماء البارد بعد فترة بسيطة أصبح كل قرد يطلع لأخذ الموز, يقوم الباقين بمنعه و ضربه حتى لا يرشون بالماء البارد بعد مدة من الوقت لم يجرؤ أي قرد على صعود السلم لأخذ الموز على الرغم من كل الإغراءات خوفا من الضرب بعدها قرر العلماء أن يقوموا بتبديل أحد القرود الخمسة و يضعوا مكانه قرد جديد فأول شيء يقوم به القرد الجديد أنه يصعد السلم ليأخذ الموز ولكن فورا الأربعة الباقين يضربونه و يجبرونه على النزول.. بعد عدة مرات من الضرب يفهم القرد الجديد بأن عليه أن لا يصعد السلم مع أنه لا يدري ما السبب قام العلماء أيضا بتبديل أحد القرود القدامى بقرد جديد و حل به ما حل بالقرد البديل الأول حتى أن القرد البديل الأول شارك زملائه بالضرب و هو لا يدري لماذا يضرب و هكذا حتى تم تبديل جميع القرود الخمسة الأوائل بقرود جديدة حتى صار في القفص خمسة قرود لم يرش عليهم ماء بارد أبدا و مع ذلك يضربون أي قرد تسول له نفسه صعود السلم بدون أن يعرفوا ما السبب لو فرضنا .. و سألنا القرود لماذا يضربون القرد الذي يصعد السلم؟ أكيد سيكون الجواب : لا ندري ولكن وجدنا آباءنا وأجدادنا هكذا عملياً هذا ما نطبقه نحن في أعمالنا وحياتنا اليومية نبقى في الروتين خوفاً من التغيير !!!!!!!!!!!

يا بلد

آه يا بلد ولادك فيكي متغربين..الحق اختفى بإرادة الملاعين
والظلم فيكي احتمى ف ضهر ظابط..والتاني معاه اتعين على الظلم "أمين"
تشكيل عصابي واقف على أرض الفساد..وباني قلعة اللي براها متشردين

حاسبين علينا النفس بفلوس..وإن كان فسادهم مالي الهوا طين
وعشان ما تعيش مصالح الكبار..ايه مانع نغير دستور وقوانين
 يا بلدي اصحي دانتي ياما دفنتي طغاة..صانك وحماكي دايما رب العالمين

امون  فؤاد نجم

الثورات لا تستنسخ بس احنا مصممين نستنسخها

كل اللى ادى الى ثورة 25 يناير العسكر عملوا حسابهم عليه
1- الاخوان هما ثورة يناير الحقيقيه دلوقتى كلهم فى السجون او مطاردين او فارين بدينهم خارج مصر و اللى بيقولك الاخوان ركبوا الثوره دا مبيفهمش لان يناير كانت وقفه احتجاجيه فقط حولها الاخوان لثوره
2- ميدان التحرير اللى كان منبع الثوره اتقفل و تقريبا مش هيتفتح تانى و العسكر مبرشمينه و مجنزرينه و عاملين ثكنه عسكريه
3- خالد سعيد اللى مات على ايد الداخليه و كان شرارة ثورة يناير مبقاش موجود و بقى فيه كل يوم خالد سعيد بيموت على ايد الداخليه فى السجون و فى الشوارع
4- الوحده اللى كانت فى ميدان التحرير بين جميع اطياف الشعب مبقتش موجوده و الكل بيخون بعضه و ماشيين على الخريطه اللى العسكر رسمها ليهم
5- حرية التظاهر اللى كانت ايام ثورة يناير اتمنعت دلوقتى بقانون التظاهر يعنى قبل ما تنزل تتظاهر ضد النظام لازم تاخد موافقه من النظام الاول عشان تتظاهر ضده
6- القتل اللى اشعل مصر ايام ثورة يناير و خصوصا يوم جمعة الغضب بقى دلوقتى بالقانون يعنى هتنزل هتتقتل بقانون الارهاب و هيتقال عليك اخوان و ارهابى و مخرب و كده
7- المفاجأه اللى حصلت فى يناير مش هتحصل تانى بالشكل ده بمعنى ان اللى بيدعوا لثوره بيحدد تاريخها فاعلام السيسى يبدأ يهيئ الرأى العام ان اللى هينزل هيبقى مخرب و مش عاوز الاستقرار و الكلام اللى اتهرس ده
8- فيه جزء كبير من الشعب كره الاخوان و مش هيحبهم تانى و الجزء ده رافض عودة الاخوان للعمل السياسى اصلا و الناس دى ممكن تعيش مليون سنه تحت بيادة العسكر و فى جهنم بس ميعيشوش فى جنة الاخوان
9- القنوات اللى غطت ثورة يناير مبقتش موجوده فى مصر يعنى الجزيره كانت بتنقل من قلب الميدان و القنوات المصريه جايبه النيل و بتغنى لمبارك
10- هناك دعم عالمى للسيسى و العسكر فى مصر لان السيسى قال انه بيحمى امن اسرائيل و بيحارب مع بشار الاسد و موالى لروسيا و بينفذ مخططات الغرب بالحرف

الثوره هتكون مفاجأه مش هيكون مترتب لها انا لم ادعوا ليوم 11-11 ابدا و قلت ان مفيش حاجه اسمها ثورة جياع و مفيش ثورة للفقراء و الغلابه الناس دى هتموت منتخره او من الجوع و مش هتثور انتوا بتراهنوا على حصان عجوز و كله كسور لا يثور الا الابطال

عودة مرسى

عودة مرسى المطلب الاول على رأس اى ثوره و لو مش عاجبك موت من الجوع
لماذا عودة مرسى
مرسى رمز للديمقراطيه الوليده فى مصر يعنى دا اول رئيس شرعى انتخبه المصريين فى تاريخهم من سبعتلاف سنه و الشعب بيتفرض عليه رئيس رغماً عن انفه فلازم نكون متفقين ان عودة مرسى لا علاقة لها بمرسى نفسه و لكنها عودة للديمقراطيه من جديد متقوليش اصل مرسى كان و كان و عمل و سوى مش هوافقك على كلامك دا رئيس الشعب انتخبه
عودة مرسى هتسقط جميع الاتفاقيات و المعاهدات و القوانين اللى اصدرها السيسى و دى اهم نقطه فى الموضوع لان اسقاط السيسى هيبقى ثورة فقط لكن اسقاط السيسى و عودة مرسى هتبقى اقرار بان اللى حصل انقلاب عسكرى و معنى كده هيتم هدم كل ما بنى على الانقلاب من قرارات و اتفاقيات و منها ترسيم الحدود و اتفاقية سد النهضه و غيرها
عودة مرسى هتطير العسكر من الحكم بلا عوده لكن لو اتخلصنا من السيسى و بس هنلبس تانى فى صدقى صبحى و نبدأ نفس البرنامج اللى عايشين فيه من ستين سنه
متقوليش الاخوان ميشاركوش و محدش يرفع شعارات انت مين اصلا يا ابو شخه عشان تقول كده وقت ما انت كنت نايم بتشخر فى بيتك كان الاخوان بيتقتلوا و بيضحوا بولادهم و اموالهم و وظايفهم عشان يجيبولك حقك و بعدى تعالى هنا بقالك اربع سنين قارف اللى خلفونا نرفض مشاركة الاخوان طيب انت فين يا ضنايا مبتنزلش ليه يا هنايا معملتش ثورة ليه يا روح امك لواحدك فين وحوش سته ابريل فى ابطال العلمانيه و الليبراليه فين الاشتراكيين الثوريين فين دعاة الحريه و الكرامه الانسانيه كله ملتزم بجحره خايف يا عينى ليتقتل فى الوقت ده بنات الاخوان مبطلوش ينزلوا مسيرات و مظاهرات
متقوليش ان الشعب بيكره الاخوان الكلام ده كدب من الاعلام و الدليل ان الفلول صرفوا عشرات المليارات لتشويه صورة الاخوان و تحسين صورة السيسى و كله طلع على فشوش و لو كان الشعب بيكره مرسى مكنش السيسى عمل مسلسل تلاتين يونيو و عمل انقلاب
انا مش ضد توحيد الصف و انا مؤيد لانضمام اى حد ايده مش ملوثه بالدماء للصف الثوره سواء بقى كان ليبرالى علمانى بطيخ و لا تفرق معايا احنا كلنا دلوقتى فى قعر الزباله مع بعض و عاوزين نطلع كلنا مع بعض
عودة مرسى هى انتصار لثورة يناير ...... و شكرا

احة يا حكومه

 خلال ستين سنه من الفساد قدروا يقنعوا الشعب المصرى ان حقوقه ما هى الا رفاهيه يعنى لو الحكومه رصفت طريق طوله عشره كيلو المحافظ ياخد رئيس الوزراء و يروح يفتتح الطريق و يعتبروا ان دا انجاز تاريخى مع ان ده حق للمواطن يا راجل محافظ اسكندريه هو و وزير الدفاع راحوا يفتتحوا اسانسير فى مبنى حكومى
احنا شعب مقتنع ان الموظف الحكومى بيعمل شغله تفضلا و تكرما للمواطن و بيذله و بيطلع عين اهله و اه بقى لو الموظف ده فى مؤسسه عسكريه يسقيك المر و يستعبدك و يطلع عينك مع ان دا شغله
احنا شعب لا عارف حقوقه و لا عارف واجباته
الحقوق هى مسكن محترم مدرسه راقيه شارع نضيف طريق مرصوف كهرباء مياه سرير فى مستشفى كويسه مكان محترم للانتظار فى المؤسسات الحكوميه معامله ادميه توزيع عادل للثروه
الرفاهيات بقى سينما مباريات كره شواطئ جميله فيلا فخمه عربيه احدث موديل ملايين فى البنك ولادك فى مدارس لغات و الجامعه الامريكيه لبس من افخم البراندات تأمين صحى محترم
الواجبات انك تقوم بشغلك ايا كان على اكمل وجه بدون ازدراء للمواطن اللى مرتبك من فلوسه

قوم صالح

فى قصة قوم صالح
9 من فسدة القوم فوضوا واحد بقتل الناقه و كان فيه جزء من القوم مؤيد لذبح الناقه و جزء رافض ذبحها و جزء من القوم كانوا محايدين يعنى حزب كنبه مش هتفرق معاهم الناقه تعيش او تموت
يبقى عندك قاتل للناقه و مفوضين للقتل و موافقين على القتل و ساكتين عن القتل و رافضين للقتل
لما الناقه ذبحت العذاب طال القاتل و المفوضين و المؤيدين و المحايدين اللى هما حزب الكنبه و ربنا نجى فقط من رفضوا ذبح الناقه
يعنى متفرحش بانك بتقول انا محايد لان الوقوف على الحياد بيكون تأييد للباطل