تربية الأولاد الذكور مش سهلة 
، بس لو فهمنا طبيعتهم واحتياجاتهم، نقدر نوجّههم صح ونتعامل معاهم
١٠ نصايح هيساعدوك تربي طفلك بقلب قوي وعقل متزن:
1. فهم طبيعتهم الحركية
الولد بيحب الحركة واللعب، وده طبيعي. وفر له مساحة آمنة يفرّغ فيها طاقته.
2. علمه يعبر عن مشاعره
الولد مش لازم يكون "قاسي" علشان يبقى راجل. علمه إن الرجولة مش ضعف لما يعيط أو يتكلم عن مشاعره.
3. كون قدوته في التعامل
الولد بيتعلم الرجولة من الأب أو من الرجال اللي حواليه. خليك نموذج محترم ومتوازن قدامه.
4. اتكلم معاه بصراحة
الولد محتاج يسمع الصح منك، مش من الشارع. اتكلم معاه عن جسمه، عن الحدود، عن الأخلاق من بدري.
بعد ميرجع من المَدرسة أو الحضانه ، بعد منرجع من تجمع عيلة أو صحاب ، بعد ميقضوا وقت بره البيت لوحدهم ، بعد خروج أي ضيف من بيتنا ، بعد منسيب الولاد فترة مع حد غيرنا !!!!!!!
بحب أسمعك احكيلي يومك انهارده !
حد ضايقك وانت بره ؟
حد خد منك حاجتك ؟
حد خدك لوحدك بعيد عن أصحابك؟
حد خوفك بحاجة ؟
حد قالك متقولش لماما أو بابا ؟
هنروح المكان ده تاني ولا هتبقي مضايق ؟
تحب تقابل الشخص ده تاني ولا مش عاوز ؟
دي أسئلة وواجب يومي لازم تعمليه مع ابنك أو بنتك من غير ميوصلهم خوف أو رعب من وراها ! ....لازم ..
5. اديله مسؤوليات
خليه يحس إنه له دور في البيت، يساعد، يشيل، ينظّم. ده بيبني ثقته في نفسه.
6. صحح أخطاؤه باحترام
الولد ممكن يغلط، لكن مهم تصححه بدون إهانة، لأن كرامته مهمة زي عقله بالضبط.
وافتكرى
نصف التربيه فى التغافل
بلاش تضيعي رصيدك عند ولادك بتعليقك علي الحاجات البسيطة اللي مش مستاهلة (اقعد عدل /كل عدل/اقف عدل)
...
... ده بيخليهم ينفروا منك و لا يتقبلوا منك انك تكلمي في الحاجات الكبيرة اللي محتاجة علاقتكم تكون حلوه عشان تفكروا مع بعض تغيروها ازاي
تعديل
نبهيهم مره وتغافلى مرات
كلنا بنحاول والله المستعان العيال متعبين الله يهديهم
7. علمه احترام الستات
الاحترام بيبدأ من البيت. شوفك بتكلم والدته وأخته إزاي، وحيقلدك.
8. ما تخوفوش من الفشل
شجّعه يجرب ويغلط ويتعلم. الرجولة الحقيقية هي إنه يقوم بعد ما يقع.
9. كون صبور
الولد ممكن يكون عنيد أو بيختبر حدودك. خليك صبور، واثبت على القواعد من غير عنف.
10. خليه يحس إنك فخور بيه
كلمة "أنا فخور بيك" ممكن تغيّر يومه… وسنينه كمان.
حفظ الله أطفالكم
لا تنسوني من صالح دعائكم
