الدول الناميه بس مش اوى

ايها المصرى هل تعلم ان فيه دول تانيه غير مصر موجوده على كوكب الارض اه و الله فعلا و مستعد اثبتلك بالدليل اى نعم الدول دى تعتبر جمب مصر من الدول الناميه لان معندهاش سيسى ينقذها بس برضه الدول دى موجوده عادى يعنى مثال للدول دى سويسرا و السويد و فنلندا و هولندا اى نعم الدول دى تربعت على عرش العالم فى الديمقراطيه و البنيه التحتيه و التنميه و الرعايه الصحيه و التعليم و البيئه و حقوق الانسان و حقوق الحيوان كل الدول دى ناتجها القومى اكبر من ناتج مصر و معندهاش ديون و شعوبها عايشين فى ترف لدرجة انهم زهقوا من الحياه المرفهه فبينتحروا كل الدول دى معندهاش لا قناة سويس و لا نص اثار العالم و لا بحر احمر و ابيض و نهر نيل و بحيرات طبيعيه و صناعيه و لا ابار بترول و لا حقول غاز و لا محاجر و لا دلتا ايها السيساوى البائس هل تعلم اسم زعيم سويسرى او هولندى طب هل تعلم اسم رئيس سويسرا او رئيس وزراءها مش هتعرف عارف ليه لان الدول دى لا تعترف بالزعامه و فكرة الزعيم عندهم فكره بدائيه و مضحكه فالحضاره تبنيها القوانين التى تطبق على الجميع و يساهم فى بناءها الشعب المثقف فمش هتلاقى فكرة الزعيم الاوحد زى عبد الناصر و لا فكرة الزعيم المنقذ زى السيسى و لا هتلاقى عندهم شعارات رنانه زى تحيا سويسرا او نموت و تحيا السويد فى ظل التخلف اللى الدول دى عايشه فيه هتلاقى ان عندهم الرئيس موظف زيه زى عامل النضافه كل واحد فيهم له دور بياخد مرتب عليه و لو حد فيهم ادى دوره محدش بيقوله شكرا و لو قصر فى دوره بيحاسبوه ايها السيساوى البائس انت راشق فى مزراب الكوكب