كل عــــــــــــــــــــام وانتم بخـــــــــــــــــــير عيد سعيد

عيد سعيد علينا وعليكم ربنا يعيدة علينا وعليكم بالخير واليمن والبركة وان شاء اللة صحة وسعادة
كل سنة وانتي طيبة ياامي  عيد سعيد

كل سنة وانتي طيبة يا زوجتي عيد سعيد
 كل سنة وانتي طيبة يابنتي ياايمان عيد سعيد
كل سنة وانت طيب ياابني  ياامون عيد سعيد
كل سنة وانتم طيبين علا وعلاء وفهيمة ورضا  ومني ومحمود واحمد ومحمد ومي وميار وابراهيم وايمان وحازم عيد سعيد

خلعت قلبي وخلتة يرفرف زي اليمامة

بقالي يومين لازق في الشاشة اودام الكومبيوتر بتابع اللي بيحصل عند السفارة اللي في العمارة  والحقيقة  انة منذ بداية هذا العام  وتحديدا من اول يناير بعد ماشربت السجاير وبقيت انسان جديد والاحداث الدراماتيكة  الانفعالتية مصحباني لغاية دلوقتي رعشة واحساس بالعذة  وبكاء وفرح  في نفس ان الوقت يعني كوكتيل من المشاعر المفحلصة  ومعرفشي يعني اية مفحلصة  بس المهم امبارح لما عرفت ان اللي قام بالعمل البطولي ونكس علم اسرائيل وحط علمنا  مكانة بعد ما اتسلق العمارة  شاب بسيط جدا من شبابنا الجمال السمر الشداد اصحاب الكرامة والعذة اطمنت اكتر علي مصر  وان ربنا حميها وان مصر فيها خير جنود الارض شبابها الورد اللي فتح في الجناين . المهم بقي مشهد الشاب والعلم  ومشهد  حسني وعيالة في القفص ومشهد اللواء الفنجري وهو بيعظم للشهدا ومشهدعمر سيبلمان بتاع التنحي كلها مشاهد خلعت قلبي وخلتة يرفرف زي اليمامة. وعمال بقي اقول في بالي  انا اية اللي مشاني من مصر من عشرين سنة كان لية   كان نفسي ابقي موجود وبشارك في الاحداث دي لكن ايماني برب الكون ان كل ماعيشناة هو مكتوب برجع واقول الحمد للة عدل في قضائة

طيارة هليكوبتر لكل سفاح

يعني لما وعيت عالدنيا وفهمت انا العرف المتعارف علية بيتسن منة -السكاكين والمقص- هههههه .اقصد القوانين بمعني لوجة متهم بقتل ابرياء ولكن لظروف هذا المتهم الصحية حيث انة مصاب  بشلل رعاش وسرطان في الاطراف وكدة وبتاع والمفروض بقي انة يتحاكم .يبقي من حقة الاول يتعالج يدخل مستشفي علي اعلي مستوي والاهم انة يتنقل بطيارة هليكوبتر المفروض انها بتطير بفلوس الشعب او بمعني انها ملك الشعب .يعني تقتلي اخواتي ابناء وطني حبيبي واعالجك واركبك هليكوبتر  وادخلك قفص الاتهام علي سرير متجهز .بصراحة يعني لازم  انت اوانا في صوت واحد نقول احة ...... علشان نوحد الاحات. احنا علي فكرة ابتدعنا بدعة كالعادة يعني لاننا شعب مبدع ااحنا اول بلد في العالم تدخل متهم بالقتل في قفص الاتهام علي سرير ودة سبق يحسب في الاخر لينا كمصريين.بس الصراحة الاجمل في الحدث ان رموز الفساد مبارك وعيالة جوا القفص سيبك انت بقي من التفاصيل الصغيرة اللي بتحصل في المحاكمة .لان  مبارك  كدة كدة رايح في ستين قول سبعين نبحبحها شوية ونقول تسعين الف داهية .

سبحة رمضان لولي ومرجان بتلاتة وتلاتين حباية

      http://www.youtube.com/watch?v=b3Dt8YycqSQ
في 25 يناير لم تخرج 6 ابريل ولا حتي 9 اغسطس ولا سمعنا عن سلف ولا تلف ولا كان هناك اخوان ولا اخوات كان هناك شباب مصري فقط شباب الفيس بوك انصار خالد سعيد شباب محطم مظلوم يأئس ومع تعنت الامن ووشعور المواطن بالذل والمهانه تذايدت اعداد المشاركين ونجحت الثوره وسقط الطغاه واستشهد الكثيرون وظهر علي الساحه سارقو الثوره والمنتفعين واصحاب الاجندات والنتائج والاقلام السامه وتفرقت الثوره وبقي في التحرير نفس الشباب صانعوا الثوره او من تبقي منهم احياء لنجدهم قد وصفوا بالبلطجيه وضربوا بالهراوات وفضوا لهم اعتصامهم فأن وجدنا اي كلمه نقولها لا نجد غير كان الله في عونك يا مصر

و فين الشاكوش

طبعا محدش هينسي دم الشهدا واوجاع  والام تلاتين سنة واحنا بنتفرج علي محاكمة مبارك وعيالة علي الهوا مباشرة وحصري........  مبارك وعيالة انكروا كل التهم الموجهه ليهم ودة حقهم في الدفاع عن نفسهم .انا ليا ملاحظة بس طول المحاكمة مبارك عمال يلعب في انفة لغاية ما قال انة بينفي كل الاتهامات الموجهة  الية .وعلي راي المثل قالوا للحرامي احلف قال انكرها تماما" و "مناخيري بتاكلني" و "انكرها كلها تماما" و "ادي المكرفون لزميلك وطلع الكخ من مناخيرك........... انا كنت خايف ان في نهاية الجلسة مبارك يقوم من عالسرير بتاعة وهو بيزعق ويقول ينصر دينك يااستاذ خليفة ......السؤال اللي بيطرح نفسه في المحاكمه دي ..
هو فين الشاكوش بتاع القاضي"