مستشفى المجانين

ابتسم فأنت فى مستشفى المجانين
لما السيسى يؤيد الضربه الجويه الامريكيه لمطار الشعيرات فى سوريا و يؤكد ان الضربه اختراق لدولة ذات استقلال ابتسم فأنت فى مستشفى المجانين
لما الازهر يطلع بيان يقول فيه ان المسيحيين اللى بيموتوا فى التفجير شهداء و لما مفتى مصر يطالب بقانون يعاقب الشامتين فى قتلى التفجيرات ابتسم فأنت فى مستشفى المجانين
لما الجيش اللى المفروض يحمى تراب مصر يطعن فى الحكم اللى بيقول ان الجزر مصريه و يقدم اوراق تثبت انها غير مصريه ابتسم فأنت فى مستشفى المجانين
لما داعش تتبنى تفجير الكنايس و تقول على منفذى التفجير بالاسم و تلاقى الاعلام و السياسويه بيطالبوا باعدام الاخوان فى السجون ابتسم فأنت فى مستشفى المجانين
لما احمد موسى يطالب باعدام اى حد يفجر نفسه فى كنيسه او فى مكان عام و حيوي ابتسم فأنت فى مستشفى المجانين
لما الحجر الصحى يوافق على دخول شحنة فول مسوس لمصر و يقول ان السوس ميت و مفيش منه مشكله ابتسم فأنت فى مستشفى المجانين
لما على عبد العال رئيس البرلمان المصرى يوافق على حالة الطوارئ بدون حضور الاعضاء و ينتهك الدستور ابتسم فأنت فى مستشفى المجانين
لما مرتضى منصور يطالب باعتقال عائلات الهاربين خارج مصر و التنكيل بهم حتى عودة الهاربين و اعدامهم ابتسم فأنت فى مستشفى المجانين
لما تعرف ان فيه 90 مليون متخيلين ان فيه 800 الف عسكرى هيقدروا يعتقلوهم و يسجنوهم و لما تعرف ان فيه 90 مليون مقتنعين ان الداخليه هتقدر تراقب الفيسبوك و تويتر و مواقع التواصل بالكامل ابتسم فأنت فى مستشفى المجانين
ابتسم يلا لان انت عايش فى مستشفى المجانين

يا ريس

بص يا ريس انا عارف انك مكنتش طمعان في الحكم ولا كنت بتتآمر انت والمجلس العسكري ولا خلعت مرسي وواثق تماما إن يوم 30/6 كانت مظاهرات عفوية ضد الاخوان ومش مدبرة
وأنك حميت البلد وانك زي ما قلت اننا نور عينيك ومصر اوووم الدنيا وهتبقي ااااد الدنيا
بس اللي حصل ان الشعب طلع غبي ومش فاهمك ولا يستاهلك تحكمه.
ياريت بقي يا ريس لو سمحت يعني تسلمنا البلد تاني بس بالدولار ابو 7 جنيه.
وبالجزيرتين تيران وصنافير .
وبالديون الخارجية اللي كانت 35 مليار دولار مش 67 مليار وبالدين الداخلي اللي كان ترليون مش 4 ترليون .
وبال٣٠ مليار دولار مساعدات الخليج اللى جولك بعد 30/6 وماتقلقشى عليهم هنبنى بيهم مصانع تشغل الشباب .
وترجعلنا الشباب اللي ماتو سواء مدنيين او عساكر وضباط .
وترجعلنا العدس ابو ١٤ والفراخ ام ١٥ واللحمة ام ٦٥.
والسكر ابو ٤ والرز ابو ٣ والزيت ابو ٩ .
وياريت كمان يا برنس تلغي اتفاقية عنتيبي مع اثيوبيا ! احنا عاوزين نعطش متشغلش بالك.
وتلغي اتفاقية ترسيم الحدود البحرية اللي طارت فيها حقول البترول المصرية وراحت لقبرص احنا هنعرف نرسمها متخفش علينا .
وترجع لفرنسا الكام طيارة رافال ( أغلى طائرة فى العالم و ثمنها 100 مليون دولار ) وكفاية علينا ال 16 - F احنا ناس دقة قديمة و مش وش نعمة.
و حاملات الطائرات الفرنسية الميسترال اللى ثمنها 3 مليار دولار اللى ممكن بصاروخ أكسوزيست صناعة فرنسا برضه ( ثمنه مليون دولار بس ) تتضرب فى ثانية ويبقى بخ في قاع البحر .
آه وبالمرة كدة تفكنا من القناة الجديدة وتردمها تاني وترجعلنا 8 مليار دولار وكفاية علينا القناة القديمة والقرشين اللي بتجيبهم احنا اصلا شعب غاوي فقر وكمان لانها مانع مائي ضخم جيشنا مش هيعرف يعبره لو اسرائيل احتلت سينا تانى إنت يا برنس رجل عسكري وفاهم الكلام ده .
اما بالنسبة بقي لمشاريعك الجهنمية اللي بتخاف عليها من الاشرار زي مشروع المزارع السمكية بتاع الجمبري ياريت تلغيها احنا شعب معدته واخدة ع الفول والطعمية والكشري ومنعرفش شكل الجمبري كتر الف خيرك ونوفر الكام مليار بتوعهم يا برنس .
وياريت كمان ياريس تلم سبوبة عربيات الخضار واللحمة بتاعة الجيش وكفاية علينا وقوفنا طوابير على مجمعات وزارة التموين وأهو الجيش يركز فى شغله فى سينا .
والمفاعل النووي اللي روسيا هتعملة بقرض طويل الاجل 26 مليار دولار ياريت يا برنس يتلغي هو كمان احنا شعب بنغرق وبنتكهرب من شوية مطر لإن البنية التحتية متهالكة مش ناقصنا مفاعل نووي يمحينا من ع الخريطة والشمس طاقة نظيفة ومستدامة وأرخص من النووي كمان .
اة وبالمرة يا ريس وانت ماشي تبقي تروح البنك هنرجعلك تحويشة عمرك اللي كنت اتبرعت بيها اول اسبوع مسكت البلد خليهم معاك تصرف منهم.
وبالنسبة لقرض صندوق النقد تبقي رجع للناس فلوسها دي حتي فلوس منظورة ومش محتاجينها وحرام شرعاً .
وياريت ياريس تلم لجانك الاليكترونية من عالفيس لإن الناس فهمت وعرفت كل حاجة واهو نوفر فلوسهم لحاجة مفيدة كمان.
وحاجة اخيرة يا ريس ياريت كمان وانت ماشي تبقي تاخد معاك الارهاب المحتمل في ايدك عشان ملهوش مكان في مصر من بعدك

آمين يارب العالمين

اللهمّ إنّي أسألك بأن لك الحمد لا إله إلّا أنت المنّان بديع السموات والأرض يا ذا الجلال والإكرام، يا حيّ يا قيّوم. اللهمّ ألبسني العافية حتّى تهنيني بالمعيشة، واختم لي بالمغفرة حتّى لا تضرّني الذّنوب، واكفني كلّ هول دون الجنة حتّى تبلغنيها برحمتك يا أرحم الرّاحمين اللهم أعطني من الدّنيا ما تقيني به فتنتها، وتغنيني به عن اهلها، ويكون بلاغاً لي إلى ما هو خير منها، فإنّه لا حول ولا قوّة إلّا بك. اللهمّ اجعلنا من الّذين فتحوا باب الصّبر، واردفوا خنادق الجزع، وجازوا شديد العقاب، وعبروا جسر الهوى. اللهمّ لا تشمت أعدائي بدائي، واجعل القرآن العظيم شفائي ودوائي، فأنا العليل وأنت المداوي، أنت ثقتي و رجائي، واجعل حسن ظنّي بك شفائي. اللهمّ احفظني بالإسلام قائماً، واحفظني بالسّلام قاعداً، واحفظني بالإسلام راقداً، ولا تشمت بي عدوّاً أو حاسداً. اللهمّ آتنا في الدّنيا حسنة وفي الآخرة حسنة وقنا عذاب النّار

انما الوطن حفنة من تراب

فعلا الوطن حفنة من تراب و انما الانتماء للدين فلو كان الانتماء لتراب الوطن لما هاجر النبى صل الله عليه و سلم من مكه و لكان سيدنا بلال انتماءه للحبشه و اعتنق المسيحيه و لما حارب صهيب الرومى فى صفوف المسلمين و لما كان سلمان الفارسى يقاتل فى صفوف المسلمين و لما تزوجت ماريه القبطيه من رسول الله و لما ذهب سليمان الحلبى الى القاهره و قتل كليبر
ما الوطن الا حفنة من تراب و انما الانتماء للدين و العقيده

يوم المسلم

بص يا برنس هقولك على يومك تقضيه ازاى
تصحى من النوم و اول حاجه تقولها و انت على السرير الحمد لله الذى احيانا بعد ما اماتنا و اليه النشور و بعدين تقوم تدخل الحمام برجلك الشمال و تقول اللهم انى اعوذ بك من الخبث و الخبائث و خلى بالك الخبث و الخبائث يعنى ذكور الجن و اناثهم و متتكلمش و انت فى الحمام و تسيبك من العبط اللى بيغنوا فى الحمام و بعدين تخرج من الحمام برجلك اليمين و تقول غفرانك و بعدين تروح تتوضا بقى تقول بسم الله و تتوضا و انت بتتوضى تقول اللهم اغفر لي ذنبي ووسع لي في داري وبارك لي في رزقي و بعد ما تخلص تقول اللهم اجعلنى من التوابين و اجعلنى من المتطهرين سبحانك اللهم بحمد استغفرك و اتوب اليك و تنزل تصلى الفجر تفتح باب البيت و تقول اللهم انى اعوذ بك ان اضل او اضل او اذل او اذل او اظلم او اُظلم او اجهل او يجهل على و تروح على المسجد و انت فى الطريق تقول اللهم اجعل فى قلبى نورا و فى سمعى نورا و فى بصرى نورا و من فوقى نورا و من تحتى نورا و عن يمينى نورا و على شمالى نورا و اجعل لى نورا و بعدين تدخل المسجد برجلك اليمين و تقول اعوذ بالله العظيم و بوجهه الكريم و سلطانه القديم من الشيطان الرجيم بسم الله و الصلاة و السلام على رسول اللهم اللهم افتح لى ابواب رحمتك و بعدين تصلى الفجر و تطلع من المسجد برجلك الشمال و تقول اللهم انى اسألك من فضلك و انت راجع البيت تقول اذكار الصباح و انت داخل البيت تقول بسم الله خرجنا و بسم الله ولجنا و على الله العظيم ربنا توكلنا اللهم انى اسالك خير المخرج و خير المولج و بعدين تبدأ تستعد للنزول للشغل و انت بتلس هدومك قول اللهم لك الحمد انت كسوتنيه اسالك من خيره و خير ما صنع له و اعوذ بك من شره و شر ما صنع له و بعدين لو هتفطر فى البيت تقول بسم الله اللهم بارك لنا فيما رزقتنا و قنا عذاب النار و لو نسيت تسمى فى الاول قول بسم الله اوله و اخره و بعد ما تخلص اكل تقول الحمد لله الذى اطعمنا و سقانا و جعلنا مسلمين و تنزل على شغلك و متنساش تقول دعاء الخروج من المنزل اللى مكتوب فوق و بعدين هتركب عربيتك او مواصلات او دابه تقول الله اكبر الله اكبر الله اكبر سبحان الذى سخر لنا هذا و ما كنا له مقرنين و انا الى ربنا لمنقلبون الحمد لله الحمد لله الحمد لله الله اكبر الله اكبر الله اكبر سبحانك اللهم إني ظلمت نفسي فاغفر لي فإنه لا يغفر الذنوب إلا أنت و لو مسافر تقول دعاء السفر الله اكبر ثلاث مرات سبحان الذى سخر لنا هذا و ما كنا له مقرنين و انا الى ربنا لمنقلبون اللهم انا نسالك فى سفرنا هذا البر و التقوى و من العمل ما ترضى اللهم هون علينا سفرنا هذا و اطو عنا بعده اللهم أنت الصاحب في السفر، والخليفة في الأهل، اللهم إني أعوذ بك من وعْثاءِ السفر، وكآبة المنظر وسوء المنقلب في المال والأهل توصل الشغل و متنساش تصلى الضحى على الاقل ركعتين و ممكن تصلى اثنى عشر ركعه و بعدين تروح الشغل و تتعامل مع زمايلك معامله حسنه و تشتغل بضمير و ترجع على البيت و تقول دعاء دخول المنزل اللى مكتوب فوق تسلم على اهل بيتك هتتغدى تقول دعاء قبل الاكل و بعده و بعدين تقول اذكار المساء بعد صلاة العصر و تقضى يومك صلاه و ذكر و حسن خلق لغاية ما تيجى تنام هتقول بقى بسمك اللهم اضع جنبى و بك ارفعه اللهم قنى عذابك يوم تبعث عبادك اللهم اسلمت نفسى اليك و وجهت وجهى اليك و فوضت امرى اليك و الجأت ظهرى اليك لا ملجأ و لا منجى منك الا اليك امنت بكتابك الذى انزل و برسولك الذى ارسلت و تقرأ اواخر سورة البقرة من اول امن الرسول بما انزل اليه الى اخر السوره و تقرأ المعوذتين فى كفيك و تمسح جسمك بايدك و تنام نوم هادى