احنا شعب مقتنع ان الموظف الحكومى بيعمل شغله تفضلا و تكرما للمواطن و بيذله و بيطلع عين اهله و اه بقى لو الموظف ده فى مؤسسه عسكريه يسقيك المر و يستعبدك و يطلع عينك مع ان دا شغله
احنا شعب لا عارف حقوقه و لا عارف واجباته
الحقوق هى مسكن محترم مدرسه راقيه شارع نضيف طريق مرصوف كهرباء مياه سرير فى مستشفى كويسه مكان محترم للانتظار فى المؤسسات الحكوميه معامله ادميه توزيع عادل للثروه
الرفاهيات بقى سينما مباريات كره شواطئ جميله فيلا فخمه عربيه احدث موديل ملايين فى البنك ولادك فى مدارس لغات و الجامعه الامريكيه لبس من افخم البراندات تأمين صحى محترم
الواجبات انك تقوم بشغلك ايا كان على اكمل وجه بدون ازدراء للمواطن اللى مرتبك من فلوسه
Aucun commentaire:
Enregistrer un commentaire