الجنتله

الجنتله و الاسلوب الجميل فى الكلام ملوش اى علاقه بالدرجه العلميه ممكن تتكلم مع دكتور و تلاقيه حلوف مبيعرفش يتكلم و تبقى بتتكلم مع الميكانيكى و انت بتصلح العربيه تلاقيه قمة الجنتله و الاناقه فى الكلام

الرقه و الرومانسيه ملهاش علاقه بالجمال ممكن تلاقى واحده جميله جدا بس لا عندها احساس و لا مشاعر و تحس انك بتكلم جلف من الصحرا

الرجوله و الجدعنه ملهاش علاقه ابدا بالذكوره و الانوثه كتير بتقابل ستات ارجل مليون مره من اتخن راجل

الثقافه ملهاش اى علاقه بمستوى التعليم ممكن تتكلم مع استاذ جامعى و تلاقيه جاهل علميا يعنى ثقافته محصوره فى نطاق عمله فقط لكن كلمه فى السياسه تلاقيه بيرفس كلمه فى الاقتصاد تلاقيه بينطح كلمه فى الثقافه العالم تلاقيه بيهوهو عليك و ممكن تتكلم مع عمى عبده البقال تلاقيه بيخر ثقافه و يبهرك بكمية معلومات عمرك ما كنت تتوقعها

الشهره مش دليل على انك صح او بتفيد الناس الخليل كوميدى مشهور بس مش بيضحك لكن الراجل بتاع فيديو كمان واحده يا ريس اشهر منه و بيضحك مع انه راجل بسيط جدا محمد رمضان مشهور جدا لكنه مبيعملش اى حاجه صح دا نشر البلطجه فى المجتمع و بس

لا تحكم على الناس من الخارج و لا تحاول اقتحامهم من الداخل اقولك متقربش من الناس و ريح دماغك