محدش يحوشني.................. انا هحكم مصر

من عشرين سنة بالتمام والكمال وانا عايش في فرنسا بدايتي كانت تحت حكم فرانسوا ميتران مرورا بجاك شيراك لغاية ساركوزي اللي هتنتهي ولايتة في نهاية السنة دي وتقريبا مش هينجح لانة دخل فرنسا حروب مالهاشي فيها وكلف البلد فلوس  من جيبب الشعب المدفوعة من الضرايب مصروفة عالاسلحة والجيش اللي بيحارب في افغنستان زي ما عمل الامريكان كدة  .المهم خير اللهم اجعلة خير شوفت ان اي وزير ممكن يمسك اي وزيارة طالما انة كفائة ومش مهم انة يكون متخصص في الزراعة عشان يبقي وزير زراعة واخر مثال علي كدة وزيرة الخارجية ميشيل اليو ماري اللي مسكت تلات وزرات مالهومشي علاقة ببعض وزارة الدفاع ووزارة الداخلية واخيرا وزارة الخارجية اللي عايز اقولة انة طالما فية نظام محطوط علي اسس محترمة نجيب ولامؤاخذة اي قرد مسلسل نحطة علي راس النظام دة اكيد هيمشي عالعجين ميلخبطوش يعني انا شايف كدة ان اي وزارة طالما فيها ناس شغالة علي نظام محترم يبقي اكيد الوزير هيبقي محترم وانا بقصد بالنظام القوانين والاسس والخطوط العريضة اللي ممكن تكون طويلة برضك اللي بتحكم الامور .المهم نسيت اقول ان الرئيس السابق  مسئلشي نفسة سؤال ودة اللي محيرني لانة قابل التلات رؤساء الفرنسويين  خلال فترة حكمهم  ..هما الناس دي بتتغير بيروح واحد وييجي التاني  وانا فاضل لية؟  المهم ان مبارك  عايز يقاضي الشعب، ويقول لنا انا اللي تخليت عن الرئاسة هههههههه.حلوة اوي دي